睇日出、品嚐宮崎牛之九州自由行 第四天 @福岡

黃昏都已經咁靚，更何況係日出☀️日出時間早上五點幾🙈好彩起到身，睇住太陽如何由別府灣既地平線同雲彩中慢慢升起🌄好奇妙既感覺❤️

如果你喜歡我的文章，麻煩幫我點選下面的贊助商廣告支持一下喔！

睇完日出就去享用一下精美又豐富既日式早餐🍹🍱🍵豆腐好滑，沾上特製既冬菇醬送粥一流！海鮮湯用上多款海鮮煮好鮮甜。連餐後果既蜜瓜都甜度破表！

冬菇醬送粥

海鮮湯

蜜瓜yummy yummy

食完早餐就check out就搭JR番博多啦~ 頭幾日都係去比較郊外既地方睇下景浸泡溫泉，係時候出番市區shopping啦XDDD 不過~去博殺之前都要醫飽個肚既！！！咁食咩好呢？唔洗唸啦！！！😆 來到九州唔係唔食宮崎牛呀😎去左連霸日本第一宮崎牛既宮崎牛專門店食lunch😋因為無book位，所以無得睇住廚師煮咁食鐵板燒，只可以燒完拎來張枱🙈


點左宮崎牛赤身同里脊牛排💁鐵板送到來已經好香，流晒口水呀！！！赤身牛排叫左7成，油花較少，肉味更為突出，肉質好幼嫩😍里脊牛排叫左5成，見到那粉紅嫩色的宮崎牛，真係好吸引，食落去入口即融，一d肉渣都無，牛味都非常香濃，正到飛起❤️❤️香氣係成個口裡面久久不散去😍

宮崎牛赤身牛排

宮崎牛里脊牛排

題外話: 只有係宮崎飼養並達A4標準既先會被稱為宮崎牛，唔係所有係宮崎飼養既牛都叫宮崎牛架！

-
宮崎牛専門店 博多みやちく
地址: 福岡県福岡市博多区中洲5-2-1
-

Like了Cheesecakemuimui的Facebook專頁可隨時知道最新動態喔！

如果你喜歡我的文章，麻煩幫我點選下面的贊助商廣告支持一下喔！